- ලිපිනය :තැ.පෙ:18,පේරාදෙනිය,ශ්රි ලංකාව
- විද්යුත් තැපෑල: etc@doa.gov.lk
- දුරකථන: +94 812 388098
- ෆැක්ස්: +94 812 387403
ශ්‍රී ලංකා කෘෂිකර්ම විද්‍යාලය - පැල්වෙහෙර
පැල්වෙහෙර ශ්‍රී ලංකා කෘෂිකර්ම විද්‍යාලය 1980 වර්ෂයේ දී කෘෂිකර්ම දෙපාර්තමේන්තුව යටතේ පිහිටුවන ලදි. එය මධ්‍යම පළාතේ මාතලේ දිස්ත්‍රික්කයේ පිහිටා ඇත. ආරම්භයේදී මෙම නේවාසික පාඨමාලාවට ලෙස ශිෂ්‍යයන් 50 දෙනෙකුගෙන් යුත් කණ්ඩායමක් ඇතුළත් කර ගනු ලැබීය. මෙම ආයතනය පිහිටු වීමේ ප්‍රධාන අරමුණ ලෙස වියළි කලාපීය ගොවි ජනතානගේ සමාජ සහ ආර්ථික සංවර්ධනයට දායක විය හැකි කෘෂිකාර්මික පුහුණුවලත් මධ්‍යම මට්ටමේ මිනිස් බලය අඛණ්ඩව සැපයීම දැක්විය හැකිය. පවතින භෞතික සහ මානව සම්පත් ප්‍රමාණය පුළුල් කිරීමත් සමග පැල්වෙහෙර ශ්‍රී ලංකා කෘෂිකර්ම විද්‍යාලය විසින් බෝග නිෂ්පාදනය, උද්‍යාන බෝග, සත්ත්ව පාලනය, කෘෂිකාර්මික ඉංජිනේරු විද්‍යාව, ආහාර විද්‍යාව හා තාක්ෂණය, පැළෑටි සංරක්ෂණය, ගොවිපල කළමනාකරණය, කෘෂිකාර්මික විකුණුම් හා අලෙවි කළමනාකරණය යන ක්ෂේත්‍ර පිළිබඳ දැනුම සහ කුසලතා මෙන්ම වෘත්තීය නිපුණතා සහිත කෘෂිකර්ම ඩිප්ලෝමාධාරීන් 100ක් පමණ වසරකට බිහි කරමින් ඇත. වර්තමානය වන විට, ශ්‍රී ලංකාවේ මධ්‍යම, උතුරු මැද, බස්නාහිර, සහ වයඹ යන පළාත්වලින් ශිෂ්‍යයන් හා ශිෂ්‍යාවන් දෙපාර්ශ්වයම විද්‍යාලය සඳහා ඇතුළත් කරගනු ලැබේ. එසේම, පැල්වෙහෙර ශ්‍රී ලංකා කෘෂිකර්ම විද්‍යාලය 1998 සිට ශ්‍රී ලංකාවේ පිළිගත් පුහුණු ආයතනයක් ලෙස තෘතීයික හා වෘත්තීය අධ්‍යාපන කොමිෂන් සභාවේ ලියාපදිංචි වී ඇත.
කෘෂිකාර්මික නිෂ්පාදන තාක්ෂණය පිළිබඳ ජාතික ඩිප්ලෝමාව සඳහා ජාතික වෘත්තීය සුදුසුකම් ක්‍රමය (NVQ), 2013 වසරේ සිට හඳුන්වා දෙන ලදී. වර්තමානය වන විට 200ක සිසුන් කණ්ඩායමක් සඳහා ජාතික වෘත්තීය සුදුසුකම් (NVQ) මට්ටම් 5 සහ 6 මට්ටමේමොඩියුල ඉගැන්වීම් කටයුතු සඳහා යොදාගනු ලැබේ. තවද, කෘෂිකර්ම විද්‍යාලීය ගොඩනැගිලි පරිශ්‍රය හෙක්ටයාර 10ක් පමණ වේ. සිසුන්ගේ ප්‍රායෝගික පුහුණු කටයුතු සඳහා භාවිත කළ හැකි විද්‍යාලයීය ගොවිපල හෙක්ටයාර 52කින් පමණ සමන්විත වේ. මෙම ආයතනය කෘෂිකර්ම දෙපාර්තමේන්තු ආයතන සංකීර්ණයේ පිහිටා ඇති බැවින් නියෝජ්‍ය අධ්‍යක්ෂ (බීජ) කාර්යාලයෙන්, බීජ ගොවිපලෙන්, ගබඩාවෙන් සහ පැල්වෙහෙර බීජ සහතික කිරීමේ සේවාවෙන් භෞතික හා මානව සම්පත් හුවමාරු කර ගැනීම තුළින් සිසුන්ට වඩා හොඳ ප්‍රතිලාභ ලබා ගත හැකිය. තවද, මෙම ආයතනය ශ්‍රී ලංකාවේ වියළි කලාපයේ ග්‍රාමීය ගොවි ප්‍රදේශයක පිහිටා තිබීම නිසා අපේක්ෂකයින් හෝ පුහුණුලාභීන් හට වඩා හොඳ අත්දැකීම් ලබා ගැනීමට හැකි වී ඇත.
මෙහෙවර
තිරසාර කෘෂිකර්මාන්ත සංවර්ධනය තුළින් සෞඛ්‍ය සම්පන්න සමාජයක් බිහි කරලීම සඳහා මධ්‍යම මට්ටමේ කළමනාකරණ කුසලතා සහිත තරුණ කෘෂිකාර්මික තාක්ෂණ ශිල්පීන් ශ්‍රී ලංකාවේ කෘෂිකාර්මික අංශයට දායාද කිරීම.
ඡායාරූප එකතුව
නියෝජ්‍ය කෘෂිකර්ම අධ්‍යක්ෂ / විදුහල්පති
ඩි.ආර්. කාංචන මහතා
- +94 662 28477
- soapelwehara@gmail.com
- කෘෂිකර්ම පාසල, පැල්වෙහෙර
- soapelwehara@gmail.com
- +94 662 28477
- +94 662 28477
- සඳුදා සිට සිකුරාදා පෙ.ව. : 8.30 සිට ප.ව. : 4.15 දක්වා විවෘතව ඇත. (සතිඅන්තයේ සහ රජයේ නිවාඩු දින වල වසා ඇත)