අම්පාර, නියෝජ්‍ය කෘෂිකර්ම අධ්‍යක්‍ෂක (අන්තර් පළාත්) කාර්යාල බල ප්‍රදේශය උහන, දමන,අඩ්ඩලච්චේන, සම්මන්තුරේ, නින්තාවූර් සහ තම්බිලුවිල් යන කෘෂිකාර්මික පරිපාලන අංශ 06 කින් සමන්විත වේ. මෙම අංශවලට ගොවිජන සේවා මධ්‍යස්ථාන 24 ක්, ප්‍රාදේශීය ලේකම් කාර්යාල 15 ක්, කෘෂිකාර්මික ව්‍යාප්ති මධ්‍යස්ථාන 25 ක් සහ කෘෂිකර්ම උපදේශක පරාස 93 ක් ඇතුළත් වන අතර මෙම ප්‍රදේශයේ ගොවි පවුල් 71,486 ක් පමණ ඡිවත් වේ.

අම්පාර දිස්ත්‍රික්කයේ ප්‍රධාන වාරිමාර්ග පද්ධතිය වන්නේ ඉගිනියාගල සේනානායක සමුද්‍රයයි. අක්කර 770,000 ක ධාරිතාවයකින් යුත් මෙය කුඩා වැව් 10 ක් සඳහා ජලය සපයමින් අම්පාර දිස්ත්‍රික්කයේ වී වගාවට දැඩි ලෙස සහාය වේ. සහල් යනු ප්‍රධාන සෘතුමය බෝගයක් වන අතර  බඩ ඉරිඟු, රටකජු,මුංඇට, කව්පි, මඤ්ඤොක්කා,බතල, ළූණු සහ මිරිස් මෙම දිස්ත්‍රික්කයේ වගා කරන අනෙකුත් ප්‍රධාන ක්ෂේත්‍ර බෝග වේ.