පාංශු සහ ශාක පෝෂක අංශය

පාංශු හා ශාක පෝෂණය අංශයෙහි ප්‍රධාන වශයෙන් පාංශු හා , ශාක පෝෂක කළමනාකරණය, කාබනික ගොවිතැන, පාරිසරික දූෂණය, ආහාර සුරක්‍ෂිතතාව, පාංශු ක්ෂුද්‍ර ජීව විද්‍යාව සහ එළවළු වලට අදාළ පාංශු භෞතික ගුණාංග  පිළිබඳ පර්යේෂණ සිදුකරන ලදී. ආහාර බෝග අංශයේ පස් පරික්ෂා කර පොහොර නිර්දේශය ලබාදීම එම වැඩසටහන ප්‍රචලිත කිරීම හා ඒ සදහා ගොවින් උනන්දු කරවීම සිදුකරයි. අංශය මගින් පාංශු, පැලෑටි, ජලය, රසායනික පොහොර, කොම්පෝස්ට් හා වෙනත් කාබනික පොහොර සඳහා විශ්ලේෂණ සේවා සපයන අතර ඒවා භාවිතා කිරීම පිළිබඳ උපදෙස් ලබාදෙයි. පාංශු සාරවත් බව සහ ශාක පෝෂණය, නිවැරදි පොහොර භාවිතය, පාංශු පෝෂක කළමනාකරණය පිළිබඳව හා  කාබනික ගොවිතැන පිලිබදව ගොවීන්, සිසුන්, ව්‍යාප්ති නිලධාරීන් සහ ඒ සදහා උනන්දුවක් දක්වන මහජන පුද්ගලයින් සඳහා පුහුණු වැඩසටහන් පැවැත්වීමද මෙම අංශය විසින් සිදුකරනු ලැබේ. තවද රසායනාගාර විශ්ලේෂණ කටයුතු සදහා විශ්වවිද්‍යාල හා ඩිප්ලෝම සිසුන් පුහුණු කිරීමද, විශ්ව විද්‍යාල සිසුන්ගේ පර්යේෂණ නිබන්ධන සදහා අවශ්‍ය කටයුතු සිදුකිරීමද මෙම අංශය මගින් සිදු කරයි. මෙම අංශය පාංශු, පැළෑටි, ජලය , රසායනික හා කාබනික පොහොර විශ්ලේෂණාගාර සහ ක්ෂුද්‍ර ජීවි විද්‍යා විශ්ලේෂණාගාරයකින්ද සමන්විත වේ. අත්‍යවශ්‍යය පාංශු රසායනික, භෞතික හා ක්ෂුද්‍ර ජීවී ගුණාංග මැනීම සඳහා අවශ්‍යය උපකරණ වලින් මෙම අංශය සමන්විත වේ.

pH, විද්‍යුත් සන්නායකතාවය , පොස්පරස්, පොටෑසියම්, ක්ෂුද්‍රපෝෂක (Fe, Cu, Mn, Zn), ද්වීතික පෝෂක (Ca, Mg), පාංශු හා පොහොරවල ඇති සම්පූර්ණ ලෝහ බැර සදහා (Cd, Cr, Pb, Fe, Cu, Mn, Zn ) සහ රසායනික පොහොරවල  මුළු නයිට්‍රජන් , මුළු පොස්පරස්, මුළු පොටෑසියම්, තෙතමනය  සහ බැර ලෝහ (Fe, Cu, Mn, Zn, Pb, Cd, Cr, As) අගයන් විශ්ලේෂණයන් සඳහා ප්‍රතීතනය සහතික ලබා  ඇත,