මධ්‍යම විශ්ලේෂණ රසායනාගාරය

මෙම අංශයේ ප්‍රධාන විෂය පථය වන්නේ ආහාර අපවිත්‍රකම් දූහක පිළිබඳ විශ්ලේෂණ සිදුකිරීමයි. ඒ අනුව පළිබෝධනාශක අවශිෂ්ඨ සහ බැර ලෝහ ඇතුළුව අංශු මාත්‍ර මුලද්‍රව්‍ය සඳහා වූ විශ්ලේෂණ වෙනවෙනම රසායනාගාර දෙකක අඛණ්ඩව සිදු කෙරේ. පළිබෝධනාශක සංයෝග සඳහා පරීක්ෂණ ද වෙනම රසායනාගාර අංශයකින් සිදු කෙරේ.

රසායනාගාරයේ ධාරිතාව සැලකිල්ලට ගනිමින්, පළිබෝධනාශක අවශිෂ්ඨ විශ්ලේෂණය හෝ අංශු මාත්‍ර මූලද්‍රව්‍ය විශ්ලේෂණය සඳහා දිනකට සාම්පල හතළිහක් (40) පමණ විශ්ලේෂණය කළ හැකිය. පළිබෝධනාශක හැත්තෑවකට ආසන්න ප්‍රමාණයක් පළිබෝධනාශක අවශිෂ්ඨ ලෙස විශ්ලේෂණය කළ හැකි අතර ආසනික් (As), මර්කරි (Hg), කැඩ්මියම් (Cd) සහ ඊයම් (Pb) වැනි බොහෝ විෂ සහිත බැර ලෝහද ඇතුළුව අංශු මාත්‍ර මූලද්‍රව්‍ය 14 ක් විශ්ලේෂණය කළ හැකිය. LC-MS / MS, GC-MS, ICP-MS, HPLC, FTIR සහ GC වැනි ඉහළ මට්ටමේ උපකරණ ඇතුළුව උපකරණ 85 කට ආසන්න ප්‍රමාණයක් රසායනාගාරයේ ස්ථානගත කර  ඇත.