- ලිපිනය: තැ.පෙ 11, ගන්නෝරුව පාර, පේරාදෙණිය, ශ්රී ලංකාව
- විද්යුත් තැපෑල : director.hordi@doa.gov.lk
- දුරකථන :(+94) 081-2388011-12-13
- ෆැක්ස් :(+94) 081-2388234
- தமிழ்
මල් ගෝවා
Brassica oleracea
විදේශීය සම්භවයක් සහිත ලංකාවේ විවිධ ප්‍රදේශවල වගා කළ හැකි විවිධ ප්‍රභේද සහිත හඳුන්වා දෙන ලද පෝෂණයෙන් ඉහළ බෝගයකි.
නිකුත් කරන ලද ප්‍රභේද
- අර්ලි ෆිනෝමිනල්
- අර්ලි පැට්නා
දේශගුණික අවශ්‍යතා / වගාවට සුදුසු ප්‍රදේශ
සෑම කෘෂි දේශගුණික කලාපයකම වගා කළ හැක. උඩරට ,පහතරට සහ අතරමැදි කලාප වල වගා කළ හැකි ප්‍රභේද පවතී.
පස
හොඳින් ජලය වහනය වන පසක් උචිතය. මැටිමය ලෝම සහ රොන් මඩ සහිත පස්වල වඩාත් ඉහල අස්වැන්නක් ලබා ගත හැක. ප්‍රශස්ත පී.එච්. අගය 6 – 6.8 වේ.
වගා කළ යුතු කාලය
මැද රට තෙත් කලාපය – පැළ සිටුවීමට ජනවාරි, පෙබරවාරි හා නොවැම්බර්, දෙසැම්බර් සුදුසුය.
උඩරට තෙත් කලාපය – පැළ සිටුවීම සඳහා ජනවාරි, පෙබරවාරි, මාර්තු හා ඔක්තෝබර්, නොවැම්බර්, දෙසැම්බර් සුදුසුය.
උඩරට වියලි කලාපය – පැළ සිටුවීමට ජනවාරි, පෙබරවාරි හා නොවැම්බර්, දෙසැම්බර් සුදුසුය.
බීජ අවශ්‍යතාවය
හෙක්ටයාරයකට ග්‍රෑම්. 300
පරතරය
පේළි අතර සෙ.මී. 40 – 50 පැළ අතර සෙ.මී. 40
ක්ෂේත්‍රය සකස් කිරීම සහ සිටුවීම
සෙ.මී. 30 – 40 ගැඹුරට පස පෙරලා කැට පොඩි කර බිම මට්ටම් කර සති 3 – 4 පමණ වයස නිරෝගී බීජ පැල උස් පාත්ති වල හෝ වැටි වල සිටුවිය යුතුය.
තවාන් කළමනාකරණය
මීටර් 1 පළල සෙ.මී. 20 උස, සියුම් පසක් සහිත උස් පාත්ති සකසා බීජ වැපිරීම හෝ පේළියට දැමීම සිදු කළ හැක.
පොහොර
නුවරඑළිය දිස්ත්‍රික්කය
යෙදිය යුතු අවස්තාව | යුරියා කි.ග්‍රෑම්./ හෙක් | ත්‍රිත්ව සුපර් පොස්පේට් කි.ග්‍රෑම්./ හෙක් | මියුරියේට් ඔෆ් පොටෑෂ් කි.ග්‍රෑම්./ හෙක් |
| මුලික පොහොර | – | 270 | 75 |
| සිටුවා සති 02 පසු | 110 | – | – |
| සිටුවා සති 05 පසු | 110 | – | 75 |
| සිටුවා සති 08 පසු | 110 | – | – |
සෙසු දිස්ත්‍රික්ක
යෙදිය යුතු අවස්තාව | යුරියා කි.ග්‍රෑම්./ හෙක් | ත්‍රිත්ව සුපර් පොස්පේට් කි.ග්‍රෑම්./ හෙක් | මියුරියේට් ඔෆ් පොටෑෂ් කි.ග්‍රෑම්./ හෙක් |
| මුලික පොහොර | 110 | 270 | 75 |
| සිටුවා සති 03 පසු | 110 | – | – |
| සිටුවා සති 06 පසු | 110 | – | 75 |
සටහන් 1 : පොස්පරස් හා පොටෑසියම් මූලික පොහොර ලෙස යෙදීම පාංශු පරීක්ෂාවකින් පසුව
කිරීම වඩාත් යෝග්‍ය වේ.
ජල සම්පාදනය
පැළ ක්ෂේත්‍රයේ සංස්ථාපනය වන තුරු දිනපතා ජලය යොදන්න. ඉන්පසු සති 2ක් දක්වා දිනකට දෙවරක් ජලය යොදන්න. ඉන්පසු වර්ෂාපතනය සැලකිල්ලට ගෙන ජලය යොදන්න.
වගාව රැක බලා ගැනීම
ළපටි පැළ මැලවී යාම වැලැක්වීම සඳහා සෙවන සැපයිය යුතුය. ඒ සඳහා කෙසෙල් පත්‍ර උපයෝගී කරගත හැක. පුෂ්ප මංජරි සෑදීමට ආරම්භ වන විට එයට හිරුඑළිය නොවැටෙන සේ ඊට යාබදව පහලින් ඇති මල් ගෝවා පත්‍ර මඟින් මල ආවරණය කළ යුතුය.
වල් පැළෑටි පාලනය
සිටුවා සති 2 දී හා සති 4 දී අතින් වල් පැළ ඉවත් කරන්න.
පළිබෝධ කළමනාකරණය
රෝග කළමනාකරණය
අස්වැන්න නෙලීම හා සැකසීම
සිටුවා දින 60-75 පමණ අස්වැන්න ලබාගත හැක.ප්‍රභේද අනුව සහ දේශගුණික කලාප අනුව විවිධත්වයක් පවතී.
අස්වැන්න
හෙක්ටයාරයකට ටොන්. 6ග0 – 9ග0 ක