මඩ තවාන් ක්‍රමය

තවාන සාදන ස්ථානය

• වගාව සිදු කිරීමට බලා පොරොත්තුවන ක්ෂේත්‍රයෙහිම කොටසක සකස් කළ හැක.
• වගාව සිදු කිරීමට බලා පොරොත්තු වන මුළු වගා වපසරියෙන් 10% පමණ ප්‍රදේශයක් තවාන ලෙස සකස් කර ගැනීම සුදුසුය.
• තවාන සාදන ස්ථානය සෙවන නොමැති හිරු එළියට නිරාවරිත ස්ථානයක් විය යුතුය.

තවාන සකස් කිරීම

• පස හොඳින් පෝරුගා, මට්ටම් කර ගනු ලබයි.
• ජලය බැසයාමට හැකි පරිදි තවන් අතර නොහැඹුරු කාණු සකස් කළ යුතුය.
• දිරාපත් කාබනික පොහොර සහ අකාබනික පොහොර (මූලික) පසට එකතු කරනු ලබයි.
• එමඟින් බීජ පැළ පහසුවෙන් ගලවා ගැනීම පහසු කරන අතර බීජ පැළ වල දිරිමත් බව තහවුරු වේ.

තවාන පවත්වාගෙන යාම

• තවාන දින 5ක් පමණ තෙත් තත්වයේ පවත්වා ගත යුතුය (පාංශු ජළ ධාරිතා මට්ටමෙහි).
• වල් පැළ, රෝග සහ පළිබෝධ වලින් තොරව පවත්වා ගත යුතුය.
• පෝෂක ඌණතාවයන්ගෙන් තොරව පවත්වා ගැනීමට වග බලා ගත යුතුය.