ඩැපෝග් ක්‍රමය

තවාන සාදන ස්ථානය

• සමතල බිමක් විය යුතුය.
• වගාව සිදු කිරීමට බලා පොරොත්තු වන මුළු වගා වපසරියෙන් 1/20 පමණ ප්‍රදේශයක් තවාන ලෙස සකස් කර ගැනීම සුදුසුය.

තවාන සකස් කිරීම

• තවාන කුඹුරේම සකස් කරන්නේ නම් සෙන්ටිමීටර් 4-5 පමණ බිම උස්ව සකසා, ඒ මත තවාන සැකසිය යුතුය.
• මුල් විනිවිද නොයා හැකි ද්‍රව්‍යකින් තැනූ ආවරණයක් මත රොපන මාධ්‍ය අතුරා පාත්ති සකස් කරගනු ලැබේ
  
  • කෙසෙල් කොළ (මධ්‍ය නාරටිය ඉවත් කොට )
  • පොලිතීන් හෝ එවැනි වෙනත් අතුරන
  • සිමෙන්ති බිමක්
• ඒ මත සෙන්ටිමීටර 1 ඝනකමට කොම්පෝස්ට් තෝ බාගෙට පිළිස්සූ දහයියා ඒකාකාරී ලෙස ඇතිරීම.
• පාත්ති මදක් උස්ව සකස් කර මට්ටම් කරගත යුතුය (ජලවහනය හොඳින් සිදුවන ලෙස)

තවාන පවත්වාගෙන යාම

• ඒකාකාරී වර්ධනයක් ලබා ගැනීමට දිනකට දෙවරක් (උදේ සහ සවස) පාත්ති මත ජලය විසුරුවා, අතින් හෝ පැතලි ලී පුවරුවක් භාවිතයෙන් බීජ තට්ටුව මදක් තද කිරීම කළ හැකිය (දින 3-4ක් පමණ වනතුරු)
• වැඩිවශයෙන් ජලය ලබා නොදිය යුතුය
• වල් පැළ, රෝග සහ පළිබෝධ වලින් තොරව පවත්වා ගත යුතුය.
• පෝෂක ඌණතාවයන්ගෙන් තොරව පවත්වා ගැනීමට වග බලා ගත යුතුය.