බීජ සහතික කිරීමේ සේවය

කෘෂිකර්ම දෙපාර්තමේන්තු‍‍වෙ බීජ සහතික කිරීමේ සේවයේ නෙදර්ලන්ත රජයේ ආධාර ඇතිව 1979 වසරේ දී  විධිමත්ව ස්ථාපනය කරන ලදී. එසේ වුව ද කෘෂිකර්ම දෙපාර්තමේන්තුව මගින්  බීජ පරීක්ෂණ සේවා සැපයීම  1958 වසරේදී වී සාමිපල පරීක්ෂා කිරීම මගින් ආරම්භ වී ඇත. වසර 1970 දී වසරකට බීජ සාමිපල 5000 ක් පරීක්ෂා කිරීමේ‍‍ හැකියාව සහිතව පේරාදෙණිය මධ්‍යම බීජ පරීක්ෂණාගාරය ආරම්භ කරන ලදි. මෙම ඒකකය 1970 වසරේදී අන්තර්ජාතික  බීජ පරීක්‍ෂා කිරීමේ සංගමයේ (International Seed Testing Association) හි සාමාජිකත්වය ලබා ගත්තේය.පේරාදෙණියේ පිහිටි පරීක්ෂණාගාරයේ ධාරිතාවය වැඩි කරන අතරම මෙම බීජ පරීක්ෂා කිරී‍‍‍‍‍මේ සේවාව වඩාත් ශක්තිමත් කිරීම පිණිස 1978 වසරේදී මහඉලුප්පල්ලම හා 2000 වසරේදී අලුත්තරම හා බටඅත බීජ පරීක්ෂණාගාරයත්, 2017 වසරේදී පරන්තන් බීජ පරීක්ෂණාගාරයත් ආරම්භ කරන ලදී.

ප්‍රථමයෙන්ම  ක්ෂේත්‍ර සුපරීක්‍ෂාව හා සහතික කිරීමේ කටයුතු 1980 වසරේදී  දී වී භෝගය මුලික කරගෙන ආරමිභ කල අතර 1983 වසරේදී ‍ක්ෂේත්‍ර බෝග සඳහාද 1984 වසරේදී එලවළු බෝග බීජ සහතික කිරීම දක්වා පුළුල් විය. 1983 වසරේදී දී  DUS පරීක්ෂණ කටයුතු ආරම්භ කරමින් අභිජනන බීජ සහතික කිරීමේ  ක්‍රියාවලියට මුල්ගල තැනුන අතර 1986 දී බිජ අර්තාපල් සහතික කිරීමේ සේවයද ආරම්භ විය. බීජ සහතික කිරීමේ සේවාව පුළුල් කරමින් බීජ පනත ක්‍රියාත්මක කිරීමේ ඒකකය 2011 වර්ෂයේ සිට ද ශ්‍රි ලංකා යහපත් කෘෂිකාර්මික පිළිවෙත් සහතිකකරණය ද 2018 වර්ෂයේ සිට ක්‍රියාත්මක වේ.