කෘෂිකර්ම ව්‍යාප්ති හා සන්නිවේදන කටයුතු වඩාත් පහසුවෙන් කිරීම සඳහා මුද්‍රිත ද්‍රව්‍ය විශාල ප්‍රමාණයක් නිෂ්පාදනය කිරීමේ අරමුණින් වර්තමානයේ ප්‍රකාශන ඒකකය නවීකරණය කර ඇත. මෑත අතීතයේ දී කෘෂිකර්ම දෙපාර්තමේන්තුව විසින් ජනමාධ්‍ය සඳහා යටිතල පහසුකම් සංවර්ධනය කිරීම සඳහා විවිධ උපකරණ ලබා දී ඇත. වර්තමානයේ දී ඩිජිටල් සහ ඕෆ්සෙට් මුද්‍රණ යන්ත්‍ර වලින් සමන්විතය.

තොරතුරු හා සන්නිවේදන මධ්‍යස්ථානයේ කෘෂිකර්ම ප්‍රකාශන ඒකකයේ පුළුල් පරමාර්ථය වන්නේ සුදුසු කෘෂි තාක්ෂණයන් සහ වෙනත් අදාළ තොරතුරු මුද්‍රිත මාධ්‍ය හරහා අවසාන පරිශීලකයින්ට බෙදා හැරීමයි. මෙම පුළුල් පරමාර්ථය සාක්ෂාත් කර ගැනීම සඳහා, ක්ෂේත්‍ර ව්‍යාප්ති කටයුතු සඳහා සහාය වීමට කෘෂිකර්ම දෙපාර්තමේන්තුවේ මුද්‍රිත ද්‍රව්‍ය ප්‍රකාශයට පත් කිරීම හා බෙදා හැරීම කෘෂිකර්ම ප්‍රකාශන ඒකකය සතු වගකීමකි.