இலங்கையின் விவசாய அபிவிருத்திக்கும் விவசாயிகளின் வருமானம் மற்றும் வாழ்வாதாரத்தை அதிகரிப்பதற்கும் சந்தை சார்ந்த விவசாயம் இன்றியமையாத காரணியாக உள்ளது என்பது தெளிவாகிறது.

அதன்படி, ஜப்பானால் அறிமுகப்படுத்தப்பட்ட சந்தை சார்ந்த விவசாய விரிவாக்க அணுகுமுறை திட்டமான “சிறு தோட்டக்கலை மேம்பாட்டு மற்றும் ஊக்குவிப்பு” (SHEP) தற்போது உலகின் 60 நாடுகளில் வெற்றிகரமாக செயல்படுத்தப்பட்டு வருகிறது.

SHEP திட்டம் இலங்கையில் 2023 ஆம் ஆண்டு முதல் “சிறு மற்றும் நடுத்தர அளவிலான விவசாய உற்பத்தியாளர்களின் வாழ்வாதாரத்தை மேம்படுத்தும் விநியோக சங்கிலி கட்டமைப்பை வலுப்படுத்துதல் (JICA SHEP&SSC)” திட்டத்தின் கீழ் செயல்படுத்தப்படுகிறது. ஜப்பான் சர்வதேச கூட்டுறவு முகாமையுடன் (JICA) இணைந்து விவசாயத் திணைக்களம் இத்திட்டத்தை செயல்படுத்துகிறது. கிராமப்புறங்களில் சந்தை சார்ந்த விவசாயத்தை ஊக்குவித்தல் மற்றும் இலக்குப் பகுதிகளில் விநியோகச் சங்கிலிகளை வலுப்படுத்துதல் ஆகிய நோக்கத்துடன் நுவரெலியா, பதுளை, மொனராகலை, அனுராதபுரம் மற்றும் மாத்தளை ஆகிய 5 மாவட்டங்களில் இத்திட்டம் முன்னோடித் திட்டமாக வெற்றிகரமாக நடைமுறைப்படுத்தப்படுகிறது.

இந்தத் திட்டத்தில், ஜூலை 2021 முதல் மார்ச் 2022 வரையிலான காலப்பகுதி திட்டமிடல் கட்டமாகப் பயன்படுத்தப்பட்டது மற்றும் வெற்றிகரமான திட்டம் அரசாங்கத் திணைக்களங்கள், ஜப்பானிய நிபுணர்கள், பல்கலைக்கழகங்கள், தனியார் துறை நிறுவனங்கள் மற்றும் விவசாயிகள் இணைந்து தயாரிக்கப்பட்டது. இந்த திட்டம் தற்போது வெற்றிகரமாக செயல்படுத்தப்பட்டு வருகிறது, இது டிசம்பர் 2025 வரை செயல்படுத்தப்படும்.

SHEP அணுகுமுறை என்பது விவசாய விரிவாக்க அணுகுமுறையாகும், இது சிறு அளவிலான விவசாயிகளுக்கு தேவையான சந்தை மற்றும் உற்பத்தி திறன்களை வழங்குவதன் மூலம் விவசாயத்தை ஒரு வணிகமாக நடத்தும் திறனை வளர்ப்பதன் மூலம் அவர்களுக்கு சுய ஊக்கமளிக்க உதவுகிறது. இறுதியாக, விவசாயிகளின் நடத்தை “வளர்த்தல் மற்றும் விற்பனை” என்பதிலிருந்து “விற்பதற்கு வளர்த்தல்” என மாறும் என்று எதிர்பார்க்கப்படுகிறது.

2023 ஆம் ஆண்டில், அனுராதபுரம், பதுளை மற்றும் நுவரெலியா மாவட்டங்களில் 12 இலக்கு விவசாயி குழுக்களுடன் இத்திட்டம் நடைமுறைப்படுத்தப்பட்டதுடன், இதுவரை இந்த விவசாயி குழுக்கள் சந்தை அடிப்படையிலான விவசாயத்தில் ஈடுபட்டு வெற்றிகரமான விவசாயி குழுக்களாக வளர்ச்சியடைந்துள்ளன. இதில் பல விவசாயிகள் குழுக்கள் தற்போது தங்கள் சொந்த பிராண்டுகளை பயன்படுத்தி சந்தைக்கு காய்கறிகளை விற்பனை செய்கின்றனர். இந்த வருடமும் அனுராதபுரம், பதுளை, நுவரெலியா, மாத்தளை மற்றும் மொனராகலை ஆகிய ஐந்து மாவட்டங்களில் இருந்து தெரிவு செய்யப்பட்ட 33 இலக்கு விவசாயி குழுக்களைக் கொண்டு இத்திட்டம் நடைமுறைப்படுத்தப்படவுள்ளது.

இணைய இணைப்புகள்:

Information Hub: https://infohub.doa.gov.lk/

Youtube Channel: https://youtube.com/@sl-shep?si=_DDnwnWJdwffuGK5

WhatsApp Chanel: https://whatsapp.com/channel/0029VaRT4Bx72WTqHLa9l23X