சமூக பொருளாதார மற்றும் திட்டமிடல் மத்திய நிலையம் இலங்கையின் விவசாயத் திணைக்களத்தின் பிரதான மத்திய நிலையமாகும். முன்னர் 1960 காலப்பகுதியின் பிற்பகுதியில் இந்நிலையமானது விவசாயத் திணைக்களத்தின்  விரிவாக்கல் பிரிவின் கீழ் ஒரு சிறு அலகாக இயங்கியுள்ளது. அடுத்து 1970 ஆம் ஆண்டின் முற்காலப் பகுதியில் விவசாயத் திணைக்களத்தின் விவசாய பொருளாதார பிரிவாக சுயாதீனமாக அறிமுகப்படுத்தப்பட்டது.

1976 காலப்பகுதியில் மேலும் சில பொறுப்புக்களை இணைத்துக் கொண்டு,  அது விவசாயப் பொருளாதார, பண்ணை முகாமைத்துவம் மற்றும் புள்ளி விபரவியல் பிரிவாக  சிரேஷ்ட விவசாய பொருளாதார நிபுணரின் மேற்பார்வையின் கீழ் இருந்ததை அடுத்து, 1982 இல் அப்பதவி மேலதிக பணிப்பாளராக பதவி உயர்த்தப்பட்டது.

1984 இல் விவசாயப் பொருளியல் மற்றும் திட்டமிடல் பிரிவாக மீண்டும் பெயரிடப்பட்டது. 1994 இல் விவசாய திணைக்களத்தில் மறுசீரமைப்பின் கீழ் ஓர் பணிப்பாளரின் கீழ் சமூகப் பொருளாதார மற்றும் திட்டமிடல் மத்திய நிலையம் (SEPC) என பெயரிடப்பட்டது. 1998 இல் கண்காணிப்பு மற்றும் மதிப்பீட்டு அலகு இந்நிலையத்துடன் இணைக்கப்பட்டது.

2004 இல், சமூக பொருளாதார ஆராய்ச்சி மற்றும் கொள்கை பகுப்பாய்வு உலகளாவிய வர்த்தக தாராளமயமாக்கல், நவீன தொழில்நுட்பத்தை ஏற்றுக்கொள்ளல், அறுவடைக்குப் பின் செயலாக்கம், வளங்களின் பயன்பாடு மற்றும் சுற்றுச்சூழல், விவசாய சந்தைப்படுத்தல் மற்றும் உணவுப்பாதுகாப்பு தொடர்பாக அவதானம் ஏற்பட்டது. உணவுப் பற்றாக்குறை தொடர்பான பிரச்சினைகளைத் தீர்ப்பதற்கான உத்திகளின் மேம்பாட்டிற்கு தேவையான கொள்கைகளை உருவாக்க முன்னுரிமை அளித்தது. அவற்றிற்கான ஆலோசனைகளை வழங்குவதன் ஊடாக விவசாய திணைக்களத்தில் பல்வேறு நிகழ்ச்சிகளை நடத்துவதற்கான ஓத்துழைப்பை இந்நிலையம் வழங்கியது. குறிப்பாக உலகளாவிய மற்றும் உள்நாட்டுப் பொருளாதார மாற்றங்களின் பின்னணியில், சமூகப் பொருளாதாரப் பிரச்சனைகள் மற்றும் உணவுப் பொருளாதாரத் துறையில் வளங்களைப் பயன்படுத்துதல் தொடர்பான கொள்கைகளை ஆய்வு செய்து அறிக்கையினை வழங்கியது. இதைத் தவிர மாவட்ட மற்றும் பருவகால அடிப்படையிலான அனைத்து முக்கிய உணவுப் பயிர்களின் விலை மற்றும் வருவாய் பற்றிய தரவுத்தளத்தை உருவாக்குவதற்கான ஒரு விரிவான நிகழ்ச்சித்திட்டம் தொடரப்பட்டது.