SEPC – Sinhala

සමාජ ආර්ථික හා සැලසුම් මධ්‍යස්ථානයට සාදරයෙන් පිළිගනිමු - SEPC

agriculture(2)

සේවාවන්

කෘෂිකර්ම දෙපාර්තමේන්තුවේ දේශීය හා විදේශීය ව්‍යාපෘති යෝජනා සම්බන්ධීකරණය හා සමාලෝචනය කිරීම.

Welcome to Socio Economics and Planning Centre - SEPC

bookkeeping-accounting-tax-accountant-business-accounting

වැඩසටහන්

 1. සමාජ ආර්ථික පර්යේෂණ
        a. නිෂ්පාදන ආර්ථික විද්‍යාව
        b.  කෘෂිකාර්මික අලෙවිකරණය සහ මිල විශ්ලේෂණය
        c.  කෘෂිකාර්මික ප්‍රතිපත්ති විශ්ලේෂණය
        d.  ව්‍යාපෘති විශ්ලේෂණය සහ සැලසුම්කකරණයට අදාළ පර්යේෂණ
        e.  ග්‍රාමීය සංවර්ධනය
        f.  ජාත්‍යන්තර වෙළඳාම පිිළිබඳ පර්යේෂණ
 2. ව්‍යාපෘති කළමනාකරණය
 3. බෝග පුරෝකථනය
 4. ආදායම් හා වියදම් සමීක්ෂණ
 5. කෘෂිකාර්මික ආර්ථික දත්ත කළමනාකරණය
 6. ජාත්‍යන්තර සබඳතා

අප ගැන...

සමාජ ආර්ථික හා සැලසුම් මධ්‍යස්ථානය ශ්‍රී ලංකාවේ කෘෂිකර්ම දෙපාර්තමේන්තුවේ ප්‍රධාන මධ්‍යස්ථානයකි. මුලින් 1960 ගණන්වල අගභාගයේදී එය කෘෂිකර්ම දෙපාර්තමේන්තුවේ හි ව්‍යාප්ති අංශය යටතේ කුඩා ඒකකයක් ලෙස වාර්තා වී ඇති අතර එය 1970 දශකයේ මුල් භාගයේදී කෘෂිකාර්මික ආර්ථික විද්‍යා අංශය ලෙස කෘෂිකර්ම දෙපාර්තමේන්තුවේහි ස්වාධීන ආයතනයක් ලෙස හඳුන්වා දෙන ලදී.

1976 දී තවත් වගකීම් කිහිපයක් එකතු කරමින් එය කෘෂිකාර්මික ආර්ථික විද්‍යාව, ගොවිපල කළමනාකරණය සහ සංඛ්‍යාලේඛන අංශය ලෙස ජ්‍යෙෂ්ඨ කෘෂිකාර්මික ආර්ථික විද්‍යාඥවරයාගේ ප්‍රධානත්වයෙන් නම් කරන ලදී. තවදුරටත් මෙම අංශය විසින් මෙහෙයවනු ලබන ක්‍රියාකාරකම්වල වැදගත්කම සැලකිල්ලට ගනිමින් එය කෘෂිකාර්මික ආර්ථික විද්‍යා අංශය ලෙස නම් කරන ලදී. 

History of SEPC

     සමාජ ආර්ථික හා සැලසුම් මධ්‍යස්ථානය ශ්‍රී ලංකාවේ කෘෂිකර්ම දෙපාර්තමේන්තුවේ ප්‍රධාන මධ්‍යස්ථානයකි. මුලින් 1960 ගණන්වල අගභාගයේදී එය කෘෂිකර්ම දෙපාර්තමේන්තුවෙහි  ව්‍යාප්ති අංශය යටතේ කුඩා ඒකකයක් ලෙස වාර්තා වී ඇති අතර එය 1970 දශකයේ මුල් භාගයේදී කෘෂිකාර්මික ආර්ථික විද්‍යා අංශය ලෙස කෘෂිකර්ම දෙපාර්තමේන්තුවෙහි ස්වාධීන ආයතනයක් ලෙස හඳුන්වා දෙන ලදී.

    1976 දී තවත් වගකීම් කිහිපයක් එකතු කරමින් එය කෘෂිකාර්මික ආර්ථික විද්‍යාව, ගොවිපල කළමනාකරණය සහ සංඛ්‍යාලේඛන අංශය ලෙස ජ්‍යෙෂ්ඨ කෘෂි ආර්ථික විද්‍යාඥ වරයකුගේ අධීක්ෂණය යටතේ පැවතුන අතර, 1982 දී එම තනතුර නියෝජ්‍ය අධ්‍යක්ෂ තනතුරක් බවට උසස් කරන ලදී.

   1984 දී කෘෂිකර්ම ආර්ථික විද්‍යාව හා සැලසුම්කරණය යන අංශය ලෙස නැවත නම් කිරීම සිදු කරන ලදී. 1994 කෘෂිකර්ම දෙපාර්තමේන්තුවේ ප්‍රතිව්‍යුහගතකරණය අධ්‍යක්ෂවරයකුගේ යටතේ සමාජ ආර්ථික හා සැලසුම් මධ්‍යස්ථානය (SEPC) ලෙස නම් කරන ලදී. 1998 දී ව්‍යාපෘති ඇගයුම් හා මෙහෙයුම් ඒකකය (PEMU) මෙම මධ්‍යස්ථානයට ඒකාබද්ධ කරන ලදී.

    2004 දී සමාජ ආර්ථික පර්යේෂණ හා ප්‍රතිපත්ති විශ්ලේෂණය ගෝලීය වෙළඳපොළ, නවීන තාක්‍ෂණය යොදා ගැනීම, පසු අස්වනු හා සැකසුම් කිරීම, සම්පත් උපයෝජනය සහ පාරිසරික ආර්ථික විද්‍යාව, කෘෂිකර්ම අලෙවිකරණය සහ ආහාර සුරක්‍ෂිතතාව පිළිබඳ අවධානය යොමු විය. පර්යේෂණ න්‍යාය පත්‍රය හඳුනාගෙන ප්‍රමුඛතාවය ලබා දීම සහ ආහාර හිඟතාවය පිළිබඳ ගැටලු විසඳීමේදී උපාය මාර්ග සංවර්ධනය කිරීමේදී ප්‍රතිපත්ති සම්පාදකයින්ට අවශ්‍ය උපදෙස් ලබාදීම මගින් කෘ.දෙ. හි විවිධ වැඩසටහන් විධිමත් කිරීමට මෙම මධ්‍යස්ථානය දායක විය. ගෝලීය හා ජාතික  වෙනස්කම් වලට අනුව ආහාර බෝග අංශයේ සම්පත් පරිහරණයට අදාළ ප්‍රධාන සමාජ ආර්ථික ගැටලු විමර්ශනය හා වාර්තා ඉදිරිපත් කිරීම සිදුකරන ලදී. ඊට අමතරව, සෘතුමය හා දිස්ත්‍රික් පදනම පාදක කරගත් පිරිවැය සහ ප්‍රතිලාභ පිළිබඳ දත්ත සමුදායක් ගොඩනැගීමේ පුළුල් වැඩසටහනක් අඛණ්ඩව සිදු කෙරිණි.

මෙහෙවර

කෘෂිකර්ම දෙපාර්තමේන්තුවේ යටතේ ගැනෙන ප්‍රධාන ආහාර බෝග නිෂ්පාදනය හා අලෙවිකරණයට අදාළ සමාජ ආර්ථික පර්යේෂණ හා ප්‍රතිපත්ති විශ්ලේෂණයේදී ප්‍රධානතම මධ්‍යස්ථානය ‌‌ලෙස ක්‍රියාකිරීම මඟින් ගොවීන්‌ගේ හා  අදාළ ඍජු පාර්ශවකරුවන්ගේ ආර්ථික හා සමාජ සංවර්ධනය සහතික කිරීම.

අරමුණු

ප්‍රධාන ආහාර බෝගයන්ට අදාළව කාලීන අවශ්‍යතා හඳුනාගෙන ඊට අදාළ සමාජ ආර්ථික පර්යේෂණ හා ප්‍රතිපත්ති විශ්ලේෂණය සිදු කිරීම මඟින් ග්‍රාමීය ඒ්කක ආදායම ඉහළ නැංවීමට හා ආහාර  සුරක්‍ෂිතතාවය ඇති කිරීමට දායක වීම.

ක්‍රියාකාරකම්

  • 2021 ජූලි මස අවසානය වන විට වාර්තා වූ වී වගා බිම් ප්‍රමාණය හෙක්ටයාර 499,566 කි.
  • අතිරේක ආහාර බෝග  වගා බිම් ප්‍රමාණය හෙක්ටයාර 86,373 ක් වන අතර එය ඉලක්ක ගත බිම් ප්‍රමාණයෙන් 79% ක ප්‍රතිශතයකි.
  • උඩරට එළවළු වගාවේ ප්‍රගතිය හෙක්ටයාර 12,277 – (73%)කි.
  • පහතරට එළවළු වගා ප්‍රගතිය හෙක්ටයාර 20,699 – (78%)කි.