පාංශු සහ පොහොර
පාංශු සාම්පල විශ්ලේෂණය
අනවශ්‍ය ලෙස පොහොර භාවිතය නිසා ශාක පෝෂක තැම්පත්වීමෙන් පසෙහි පෝෂක අසමතුලිතතා ඇතිවිය හැක. එවිට පොහොර භාවිතයේ කාර්යක්ෂමතාවය අඩුවන අතර විවිධ පාංශු සහ පාරිසරික ගැටළුද ඇතිවිය හැක.එබැවින් පස් පරික්ෂ කර පොහොර දීම ඉතා වැදගත් වන අතර එමගින් පසේ අනවශ්‍ය ලෙස පෝෂක තැන්පත්වීම අඩුවන අතර ඇතිවිය හැකි විවිධ පාරිසරික ගැටළුද අවම වේ. තවද පස් පරීක්ෂාවකදී පසේ පි.එච් අගයද පරික්ෂ කර එය නිවැරදි කිරීමට උපදෙස් දෙන බැවින් පොහොර භාවිතයේ කාර්යක්ෂමතාවයද වැඩිය. පාංශු පරීක්ෂාවකදී පසේ පි.එච්. අගය, විද්‍යුත් සන්නායකතාවය, ලබාගත හැකි පොස්පරස් ප්‍රමාණය , හුවමාරුකරගත හැකි පොටසියම් ප්‍රමාණය හා පසේ අඩංගු කාබනික ද්‍රව්‍ය විශ්ලේෂණ කරනු ලැබේ.
කොම්පෝස්ට් විශ්ලේෂණය
කෘෂිකර්ම යෙදවුම් වල අදාළ නිර්දේශ සකස් කිරීමට මෙන්ම කෘෂිකාර්මික නිෂ්පාදනවල සුරක්ෂිතතාවය හා පාරිසරික ගැටළු ඇතිවීම අවම කිරීම සදහා කෘෂිකාර්මික යෙදවුම් වල ගුණත්වය පරික්ෂ කිරීම ඉතා වැදගත් වේ. ඒ අනුව වාණිජ්‍ය මට්ටමින් නිෂ්පාදිත කොම්පෝස්ට් හා වෙනත් කාබනික පොහොර වල ගුණත්වය පරික්ෂ කිරීමද මෙම රසායනාගාරයේ ඉටුකරමි. මෙහිදී කාබනික පොහොර වල පි.එච් අගය, විද්‍යුත් සන්නායකතාවය, මුළු නයිට්‍රිජන්, පොස්පරස් හා පොටෑසියම් ප්‍රමාණය , තෙතමනය , කාබන් ප්‍රමාණය හා එහි අඩංගු වැලි ප්‍රතිශතය තීරණය කරනු ලබයි
පොහොර නියැදි විශ්ලේෂණය
රසායනික පොහොර වල ගුණත්වය පරික්ෂා කර ඉහල ගුණත්වයෙන් යුත් රසායනික පොහොර භාවිතා කිරීමට සැලැස්වීමෙන් විවිධ පාරිසරික හා සෞඛ්‍යමය ගැටළු අවම කරගත හැකි අතර මහජනයාට ගුණත්වයෙන් හා ආරක්‍ෂිත අහාර සැපයීමද සිදුකල හැකිය. රසායනික පොහොර විශ්ලේෂණයේදී තෙතමනය, මුළු නයිට්‍රිජන් , පොස්පරස්, පොටෑසියම් ප්‍රමාණය හා ජලයේ ද්‍රව වන පොස්පරස් ප්‍රමාණයෙන් හා බැරලෝහ ප්‍රමාණයෙන් නිර්ණය කරන්ය් ලැබේ.
ශාක නියැදි විශ්ලේෂණය
ගොවීන්ගේ ක්ෂේත්‍ර වල ඇතිවන ගැටළු , ඌණතා හෝ විෂවීම් පරික්ෂ කිරීම සදහා ශාක නියැදි පරික්ෂාව සිදුකරදෙනු ලැබේ.
ජල සාම්පල විශ්ලේෂණය
ලබා දී ඇති සාම්පලවල සාමාන්‍යයෙන් pH අගය සහ විද්‍යුත් සන්නායකතාවය පරීක්ෂා කරනු ලැබේ. ගාස්තු තවමත් පනවා නැත.
ආහාර දූහක හා පළිබෝධනාශක විශ්ලේෂණය
පළිබෝධනාශක අවශිෂ්ඨ විශ්ලේෂණය
ආහාර හා ජලයෙහි අඩංගු පළිබෝධනාශක අවශිෂ්ඨ විශ්ලේෂණය කර වාර්තා කිරීම.
මෙම රසායනාගාරය LC-MS/MS , GC-MS හා GC-ECD යන උසස් තාක්ෂණික උපකරණ වලින් සමන්විත වේ.
මෙම විශ්ලේෂණ සිදුකිරීම සඳහා ජාත්‍යන්තරව පිළිගත් QuEChERS ක්‍රමවේදය යොදාගනු ලබන අතර ; SANTE/12682/2019 මාර්ගෝපදේශ අනුව මෙම ක්‍රමවේද තහවුරු කිරීම සිදු කර ඇත.
අංක 2023/34 හා 2017.06.14 දිනැති ආහාර වල පැවතිය හැකි උපරිම පළිබෝධනාශක අවශිෂ්ඨ සීමා ගැසට් නිවේදනය අනුව ආහාරවල සුරක්ෂිතතාව තීරණය කරනු ලැබේ.
- එළවළු සහ පලතුරු බෝග
- සහල්
- ධාන්‍ය වර්ග
- ජලය
බැර ලෝහද ඇතුළුව අංශු මාත්‍ර මූලද්‍රව්‍ය විශ්ලේෂණය
ආහාර හා ජලයෙහි අඩංගු ආසනික් (As) , කැඩ්මියම් (Cd), ඊයම් (Pb) සහ රසදිය (Hg) ඇතුළු මූලද්‍රව්‍ය 14 ක් විශ්ලේෂණය කිරීම හා වාර්තා කිරීම සිදුකෙරේ. අදාළ විශ්ලේෂණ කටයුතු ICP-MS යන උසස් තාක්ෂණික උපකරණය භාවිතයෙන් සිදුකරනු ලැබේ.මෙහිදී FAO/WHO මගින් ප්‍රකාශයට පත්කරන ලද ආහාරවල පැවතිය හැකි උපරිම බැර ලෝහ සීමා අනුව ආහාරවල සුරක්ෂිතතාව තහවුරු කරනු ලැබේ.
- එළවළු බෝග
- ජලය
- සහල්
පළිබෝධනාශක විශ්ලේෂණය
මෙම රසායනාගාරයේ අති නවීන උපකරණ වන GC-ECD/NPD/FID, HPLC, FTIR, UV Spectrophotometer සහ Karl Fisher Titrator වැනි උපකරණ වලින් සමන්විත වේ. මෙහිදී පළිබෝධනාශක ප්‍රමාණාත්මකව හා ගුණාත්මකව විශ්ලේෂණය කරන අතර පළිබෝධනාශකවල අපද්‍රව්‍ය වශයෙන් පවතින බැරලෝහ ප්‍රමාණද වාර්තා කරනු ලැබේ.රට තුලට ආනයනය කරන පළිබෝධනාශක වල ගුණාත්මකභාවය සහතික කිරීම සදහා දායක වේ.
- භෞතික පරීක්ෂණය (pH, Density, Persistent Foaming, Emulsion Stability, Wettability, Testing for Moisture)
- ක්‍රියාකාරී අමුද්‍රව්‍ය අන්තර්ගතය( පළිබෝධනාශක සංඝටක ප්‍රමාණය)
- බැර ලෝහ විශ්ලේෂණය (අපද්‍රව්‍ය වශයෙන්)
- ව්‍යාජ වංචා සඳහා නෛතික නියැදි පරීක්ෂණ
