NAICC

1920 කෘෂි උපදේශන සේවාව

ලාංකීය ගොවි ජනතාවගේ එදිනෙදා කෘෂිකාර්මික ගැටළුවලට ක්ෂණික උපදෙස් ලබාදීම වෙනුවෙන් 2006 වසරේ පෙබරවාරි මස ආරම්භ කරන ලද "ගොවි සහන සරණ" කෘෂි උපදේශන සේවාව මේ වන විට තොරතුරු තාක්ෂණ මෙවලම්ද භාවිතා කරමින් වැඩි සංඛ්‍යාවකට උපදේශන සේවාව සපයනු ලබයි. දිවයිනේ ඕනෑම ප්‍රදේශයක සිට ජංගම හෝ ස්ථාවර දුරකථනයකින් 1920 කෙටි දුරකථන අංකයට ඇමතීම මඟින් ඔබගේ කෘෂිකාර්මික ගැටළු සඳහා නොමිලේ උපදෙස් ලබාගත හැකි අතර, කාර්යාල දිනයන්හී පෙ.ව. 8.30 සිට ප.ව. 4.15 දක්වා සේවාව සපයනු ලැබේ. එකවර 20 දෙනෙකු හා සම්බන්ධ වී උපදෙස් ලබාදීමේ පහසුකම ද, සියළු දුරකතන සංවාද පටිගත වීම සහ දත්ත පද්ධතියට ඇතුලත් කිරීමට හැකිවීම යනාදි තොරතුරු තාක්ෂණික ක්‍රියාකාරකම් භාවිතයෙන් කෘෂි උපදේශන සේවාව සංවර්ධනය වී තිබීම එම අංශයේ ප්‍රගති සමාලෝචනය ඇතුළු විශ්ලේෂණ කටයුතු පහසු වී තිබේ. ක්ෂේත්‍රෙය් අත්දැකීම් සහ පළපුරුද්දක් සහිත කෘෂිකර්ම උපදේශක මහත්ම මහත්මීන්ගෙන් සමන්විත කාර්ය මණ්ඩලයක් මෙහි සේවය සපයනු ලබන අතර, පොල් වගාව පිළිබඳ උපදෙස් ලබාදීම සඳහා පොල් වගා කිරීමේ මණ්ඩලයේ තාක්ෂණික නිලධාරිනියෙකු ද මෙහි සේවය සඳහා යොදවා තිබේ.

ලබා දෙන සේවාවන්

  1. දිවයිනේ ඕනෑම ප්‍රදේශයක සිට ඕනෑම දුරකථනයකින් 1920 කෙටි දුරකතන අංකයට ඇමතීමෙන් කෘෂිකාර්මික ගැටලු සඳහා නොමිලේ උපදෙස් ලබාදීම
  2. කෘෂි SMS සේවාව මඟින් කෘෂි තොරතුරු පිළිබඳ කාලීනව වැදගත්වන කෙටි පණිවිඩ නොමිලේ ලබා ගැනීමේ හැකියාව (1920 කෘෂි SMS සඳහා ලියාපදිංචි විය යුතුවේ)
  3. WhatsApp, Viber, Imo ආදි දුරකතන යෙදවුම් මාර්ගයෙන් කෘෂි උපදේශන සේවාව ලබාදීම
  4. Skype වැඩසටහන් භාවිතා කර කණ්ඩායම් සාකච්ඡා මඟින් කෘෂි ගැටළු සඳහා උපදෙස් ලබාදීම.
  5. සමාජ ජාල වෙබ් අඩවි (Fb Page) මඟින් කෘෂිකර්ම දෙපාර්තමේන්තුව මඟින් නිෂ්පාදනය කරන ලද කෘෂි තාක්ෂණික තොරතුරු ව්‍යාප්ත කිරීම.
  6. Mobile application සංවර්ධනය කිරීම තුළින් කෘෂි තොරතුරු ලබාදීම.

සේවාවට සම්බන්ධ විය හැකි ආකාර

කෙටි දු. ක. අංකය/ SMS              - 1920
WhatsApp/ Viber / Imo / No   - 070 2201920
Email address                       - 1920doa@gmail.com,     1920service@doa.gov.lk
Fb Page                                - 1920 Call center DOA
Skype                                  - 1920 DOA


වැඩිදුර විස්තර

සහකාර කෘෂිකර්ම අධ්‍යක්ෂ (සංවර්ධන)
1920 - කෘෂි උපදේශන සේවාව,
ජාතික කෘෂිකර්ම තොරතුරු හා සංනිවේදන මධ්‍යස්ථානය,
ගන්නෝරුව.
දු.ක. අංකය - 081 - 2030048