පිපිඤ්ඤා (Cucumber)


කියුකුමිස් සැටයිවස් - Cucumis sativus
කුලය - කුකර්බිටේසි

නිර්දේශිත ප්‍රභේද

එල්.වයි. 58


ගෙඩිය කහපාටය. කළු පැහැති නෙරුම් ඇත. තරමක් විශාල ගෙඩි, සිලින්ඩරාකාරය.

චැම්පියන්

මධ්‍යම විශාලත්වයක් සහිත ගෙඩිය නොමේරූ අවධියේ තද කොළ පාට වන අතර මේරූවිට දුඹුරු පැහැතිය. ගෙඩි දිගටිය.

කල්පිටිය වයිට්

තරමක් විශාල ගෙඩිය, ක්‍රීම් පැහැතිය. මේරූවිට කහ දුඹුරු පැහැතිය.

හෝඩි ග්‍රීන්

දෙමුහුම් ප්‍රභේදයකි. සාමාන්‍ය විශාලත්වයක් සහිත, සිලින්ඩරාකාර ගෙඩිය කොළ හා කහ පැහැය මිශ්‍ර බාහිර වර්ණය ඇත. දිගටි ඒකාකාර විෂ්කම්භයකින් යුක්තය.

ගන්නොරුව වයිට්

දෙමුහුම් ප්‍රභේදයකි. සාමාන්‍ය විශාලත්වයෙන් සහිත සිලින්ඩරාකාර ගෙඩිය ඒකාකාර විෂ්කම්භයකින් යුක්තය. බාහිර වර්ණය ක්‍රීම් සුදු පැහැතිය.

දේශගුණික අවශ්‍යතා සහ පස

තෙත් කලාපයේ වසර පුරාම ද වියළි කලාපයේ මහ කන්නයේදී ද වගාකළ හැකිය. මෙම භෝගය මුහුදු මට්ටමේ සිට මීටර් 1000 පමණ උස් වූ ප්‍රදේශ දක්වා වගාකළ හැකිය. උෂ්ණ පරිසර තත්ත්ව ප්‍රිය කරන භෝගයකි. භෝගයේ වර්ධනය සාර්ථක වීම සඳහා පැවතිය යුතු ප්‍රශස්ථ උෂ්ණත්වය සෙන්ටිග්‍රේඩ් අංශක 30 ක් පමණ වේ.

පස

විවිධ ආකාරයේ පස් වර්ග පවතින ඉඩම්වල පිපිඤ්ඤා වගාකළ හැකිය. කාබනික ද්‍රව්‍ය මැනවින් අඩංගු හොඳින් ජලවහනය වන පස වගාව සඳහා වඩා සුදුසුය. පසෙහි දිගු කාලයක් ජලය රඳා පැවතීමේ තත්ත්වයට බෝගය ඉතා සංවේදීය. සුදුසු පී.එච්. අගය 5.5-7.5 වේ.

බිම් සැකසීම

ඉඩමේ වල්පැළ ඉවත්කර සෙන්ටිමීටර් 30x30x30 ප්‍රමාණයේ වළවල් නියමිත පරතරයට සකසන්න.

දිරාපත් වූ කාබනික පොහොර කිලෝ ග්‍රෑම් 3 ක් පමණ, මතුපිට පස් සමඟ කළවම් කර වළවල් පුරවා ගන්න. පොළව මට්ටමේ සිට සෙන්ටිමීටර් 10 ක් පමණ උසට සිටින සේ මෙම මිශ්‍රණයෙන්ම වළවල් මුදුන්කර ගන්න.

බීජ අවශ්‍යතාවය

හෙක්ටයාරයකට කිලෝග්‍රෑම් 1 කි. ග්‍රෑම් එකක බීජ 30-40 අඩංගු වේ.

වගා පිළිවෙත්

පරතරය
තනි වගාවක් සඳහා මීටර් 1 x මීටර් 1 පරතරය ප්‍රමාණවත්‍ය. බණ්ඩක්කා සමඟ මිශ්‍ර වගාවක් ලෙස ද පිපිඤ්ඤා වගාකළ හැකිය. එවිට ලබාදිය යුතු පරතරය මීටර් 1.2 x මීටර් 0.9 (සෙන්ටිමීටර් 120 x 90) කි. මෙහිදී එකම වළෙහි භෝග දෙකටම අයත් බීජ සිටුවන්න.

පැළ තුනී කිරීම
බීජ සිටුවා සති 2 කදී සිදුකරයි. මෙහිදී එක වළක නිරෝගී සරුවට වැඩුනු පැළ 2 ක් පමණක් ඉතිරිවන ලෙස වැඩි පැළ ගලවා දමන්න.

පොහොර යෙදීම

යෙදිය යුතු කාලය

යූරියා කි.ග්‍රෑ/ හෙක්.

ත්‍රිත්ව සුපර් පොස්පේට් කි.ග්‍රෑ / හෙක්.

මියුරියේට් ඔෆ් පොටෑෂ් කි.ග්‍රෑ / හෙක්.

මූලික පොහොර

75

200

60

පැළ මතුවී සති 4 පසු

75

-

60

පැළ මතුවී සති 8 පසු

75

60


ජල සම්පාදනය

භෝගයට අනවශ්‍ය පරිදි ජලය සැපයීම සුදුසු නැත. පසෙහි තෙතමනය වැඩි වූ විට වැල් හා ගෙඩි කුණුවී යා හැකිය. එනිසා වගාව යටවන පරදි ජලය හැරවීම නොකරන්න. වැල පාමුලට අතින් ජලය ලබාදීම හෝ කාණු දිගේ වගාවට ජලය ලබාදී සෙමින් පසට උරාගැනීමට සැලැස්වීම හෝ කරන්න. වගාවේ පිදුරු වැනි වසුනක් යෙදීමෙන් පස වියළීයාම අඩුකර ගත හැකිය.

පරාගනය

මල් පරාගනය වන්නේ ප්‍රධාන වශයෙන් මී මැස්සන් සහ අනෙකුත් කෘමි සතුන් මඟිනි. ගෙඩි හටගන්නා මල් ඇතිවන්නේ පිරිමි මල් හටගැනීම ආරම්භ වූවාට පසුවය. වැඩි උෂ්ණත්වය සහ දිගු දිවාකාල පැවතීම මඟින් ගෙඩි හටගන්නා මල් ඇතිවීම ප්‍රමාද කරයි.

වල් පැළ පාලනය

බෝගය විසින් පොළව ආවරණය කර වැඩෙන තෙක් වගාවේ වල් පැළ පාලනය කිරීම පිළිබඳව සැලකිලිමත් වන්න. පිදුරු හෝ වියළි තණකොළ වැනි වසුන් යෙදීමෙන් ද වල් පැළවල වර්ධනය පාලනය කරගත හැකිය.

අස්වැන්න නෙළීම

ගෙඩි කහ පැහැවී ඇතිවිට නෙලාගන්න. පිහියක් වැනි ආයුධයකින් ගෙඩියේ නටුව කපාගන්න. වැල්වල පාර්ශ්වික ශාඛා සියල්ල වැඩීමට ඉඩ හැරියවිට හටගන්නා ගෙඩි, ප්‍රමාණයෙන් කුඩාවේ. අස්වනු නෙළන වාර ගණන වැඩිකළ විට වැඩි අස්වැන්නක් ලබා ගත හැකිය.


අස්වැන්න
හෙක්ටයාරයකට කිලෝග්‍රෑම් 20,000 - 25,000 කි.

අස්වැන්න සැකසීම

නෙළාගත් ගෙඩිවල ගුණාත්මය අඩු නොවී සතියක් පමණ කාලයක් තබාගත හැකිය. මෙයට වඩා කල් ගතවූ ගෙඩි හැකිලීමට පටන්ගන්නා අතර අප්‍රසන්න රසයක්ද ඇති කරයි.

මිහිකත දිණුවෝ
ගොවිබිමට අරුණළු
ක්ෂේත්‍ර ගැටළු
රෝග හා පළිබෝධ හානි

කෘමි පාලනය

අවුලකපෝරා කුරුමිණියා වැඩුණු කුරුමිණියා විසින් පත්‍ර හා මල් ආදිය ආහාරයට ගනී. එමඟින් ලපටි පැළ සම්පූර්ණයෙන්ම විනාශ විය හැකිය. එසේම පැළ ලපටි කාලයේදී කීටයින්ගේ හානියට ද ගොදුරු විය හැකිය. නිර්දේශිත කෘමිනාශකයක් අවශහ් විට, සති 2 කට වරක් බැගින් යොදන්න.

මේ සඳහා නිර්දේශිත

කෘමිනාශක

කෘමිනාශකය දියකළ යුතු ප්‍රමාණය

දින 10 කට වරක් කුඩා පැළ අවධියේ

ක්ලෝරැන්තැනිල්ප්‍රෝරෝල් 185g/lSC

මිලිලීටර් 32/ ජලය ලීටර් 16

ස්පිනෝසාඩ් 25g/l SP

මිලිලීටර් 16/ ජලය ලීටර් 16

ලොකු වැල් සඳහා දින 14 ට වරක්

තයෝසයික්ලාම් 50% SP

ග්‍රෑම් 25/ ජලය ලීටර් 10


එපිලැක්නා කුරුමිණියා

වැඩුණු කෘමියා සහ කීටයා පත්‍ර ආහාරයට ගනී. හානිය උග්‍ර වීමට පෙර කෘමීන් එකතු කර ඉවත් කරන්න.

ඉල් මැස්සා

කීටයින් විසින් ගෙඩි ඇතුලත සිදුකරන හානිය නිසා ගෙඩි කුණුවී වැටී යයි.


ඉල්මැස්සා පාලනය

- පිලා අවධිය විනාශ කිරීමට පස අවුස්සන්න.

- හානිවූ ගෙඩි වගාවෙන් ඉවත්කර විනාශකර දමන්න.

- ෆෙරෝමෝන උගුල සහ ප්‍රෝටීන ඇම භාවිතා කිරීම මඟින් පාලනය කරගත හැක. මෙය වඩා සාර්ථක වනුයේ යායේ ගොවීන් සියලුදෙනා එකතු වී භාවිතා කිරීම මඟිනි.

රතු මයිටාවන්

පත්‍ර හූරා යුෂ උරාබීම නිසා පත්‍රවල කොළ පැහැය අඩුවී, දුඹුරු පැහැ වී, පහසුවෙන් කැඩෙන සුළු ස්වභාවයකට පත් වේ. නිර්දේශිත මයිටානාශකයක් ඉසීමෙන් පාලනය කරගත හැක.

කුඩිත්තා හා සුදු මැස්සා

විචිත්‍ර වෛරස් රෝගය පතුරවන වාහකයන් වේ. පැළ අවධියේදී නම් රෝගී ශාක ගලවා විනාශකර දමන්න. වෛරස් රෝග පාලන පැකේජය වගාවේ මල් පිපෙන අවධිය දක්වා යොදන්න. වැඩිපුර විස්තර සඳහා කරවිල වගාවේ කෘමිනාශක නිර්දේශය බලන්න.


රෝග පාලනය

යටි පුස් රෝගය

වර්ෂා කාල වලදී වැළඳිය හැකි දරුණුම රෝගයයි. රෝගය දරුණුවත්ම පත්‍ර හැලී යයි. පළමුව කහපැහැති කෝණාකාර පුල්ලි හටගත් පසුව දුඹුරුපාට වේ.

මේ සඳහා නිර්දේශිත දිලීරනාශක

දිලීරනාශකය

ජලය ලීටර් 16 දියකළ යුතු ප්‍රමාණය

මැන්කොසෙබ් 64% + මෙටලැක්සිල් 8% WP

ග්‍රෑම් 12.5

මෙටිරෑම් 55% + පයිරක්ලොස්ට්‍රොබින්a 5% WG

ග්‍රෑම් 20

ඇසොස්ට්‍රොබින් 250g/lSC

මිලිලීටර් 10

කෙරොක්සිම් මීතයිල් (Kersoxim methyl) 500g/ 1 EC

මිලිලීටර් 14


පිටිපුස් රෝගය

වැඩි පරිසර උෂ්ණත්වයක් පවතින අවස්ථාවලදී වැළඳිය හැකි රෝගයකි. රෝගී පත්‍ර කහපාට වේ. පත්‍රයේ දෙපසම සුදු පැහැති බීජාණු දැකගත හැකිය.

මේ සඳහා නිර්දේශිත දිලීරනාශක

දිලීරනාශකය

ජලය ලීටර් 16ක දියකළ යුතු ප්‍රමාණය

Flutriafol 25% SC (ෆ්ලුට්‍රයිපොල් සාන්ද්‍ර තෛලෝදය)

මිලිලීටර් 10

පොටෑසියම් බයිකාබනේට් 82% කුඩු

ග්‍රෑම් 15

කැබිරියෝටොප්

ග්‍රෑම් 20

Krescxim methyl කෙරොක්සිම් මීතයිල් 500g/ EC

මිලිලීටර් 14


මෘදු කුණු වීම

කඳෙහි පාමුල සහ පොළව සමඟ ස්පර්ශ වී ඇති ගෙඩිවල මෘදු කුණුවීමක් ඇති වේ. වගාව තුළ ජලවහනය දියුණු කරන්න.

ඇන්ත්‍රැක්නෝස් රෝගය

බෝගයේ සියළුම වායව කොටස්වලට වැළඳිය හැකිය. පත්‍රවල පළමුවෙන් කුඩා කහපාට පුල්ලි හෝ තෙත් පැල්ලම් ඇතිවී පසුව ක්‍රමයෙන් විශාල වේ. විශාල පුල්ලිවල මැද සිදුරුවේ. ගෙඩිවල ගිළුණු තෙත් පැල්ලම් හට ගනී. නිර්දේශිත දිලීරනාශකයක් නිර්දේශිත අන්දමට යොදන්න.

පසු අස්වනු කටයුතු
ආශ්‍රිත නිෂ්පාදන
අලෙවිකරණය
විශේෂ වගා තාක්ෂණ ක්‍රම