Warning: file_put_contents() has been disabled for security reasons in /home/agridept/public_html/FCRDC/templates/fcrdc/library/Artx/Page.php on line 18
ජම්බෝල-හැදින්වීම (පැඟිරි කුලයේ ශාක)

ජම්බෝල - හැදින්වීම (පැඟිරි කුලයේ ශාක)



වර්ගීකරණය

රාජධානිය : Plantae

වංශය Magnoliophyta

වර්ගය : Magnoliopsida

උප වර්ගය : Rosidae

ගෝත්‍රය : Sapindales

කුලය : Rutaceae

ඝනය : Citrus

උද්භිද විද්‍යාත්මක නාමය : Citrus maxima


හැදින්වීම

උද්භිද විද්‍යාත්මකව සිට්‍රස් මැක්සිමා වන ජම්බෝල පොදු ජන වහරේ පැඟිරි කුලය ලෙස හඳුන්වන රුටේසියේ කුලයට අයත්‍ය. ගිනිකොණ දිග ආසියාවේ සම්භවය වූ බව පිළිගැනෙන ජම්බෝල ඝර්ම කලාපීය පලතුරකි. ලංකාවේ පැඟිරි බෝග වගා කරනු ලබන සෑම ප්‍රදේශයකම වගා කල හැක.
කැල්සියම්, පොස්පරස් වැනි ඛිජ වලින් හා විටමින් බී හා සී වලින් පොහොසත් ජම්බෝල ආහාර රුචිය වැඩි කිරීම, ආමාශගත රෝග සමනය කිරීම, දියවැඩියාව පාලනය කිරීම, සම නිරෝගීමත්ව තැබීම වැනි ඖෂධීය ගුණයන්ගෙන් යුක්තය.

ජම්බෝල

උද්භිද විද්‍යාත්මක ලක්ෂණ

ජම්බෝල වල පත්‍ර වෘත්තයේ පියාපත් ඉතා විශාලය. ඒවා අර්ධ වශයෙන් පත්‍ර තලය මත අතිපිහිතව හෝ පත්‍ර තලයේ ගෑවී පිහිටා තිබිය හැක.
පැඟිරි කුලයේ බෝගවල දක්නට ලැබෙන විශාලතම ඵල ඇත්තේ ජම්බෝල වලය.
ගෙඩියේ පොත්ත ඉතා ඝනකමය. එය පහසුවෙන් ඉවත් කල නොහැක. මාංශලය සුදු හෝ රෝස පැහැයෙන් යුක්තය. බීජ බහු කළලතාවය නොදක්වයි.

ඝනකම් පොත්ත සහ රෝස පැහැ මාංසලය

පාංශු හා දේශගුනික අවශ්‍යතා

විශාල පරාසයකට අයත් පස් වර්ගවල වගාකල හැකි වුවත් ජල වහනය හොදින් සිදුවන ඝන පස් තට්ටු හෝ බොරළු වලින් තොර මීටර් දෙකක් පමණ ගැඹුරු භූගත ජල මට්ටම පස මතුපිට සිට මීටර් එකකට වඩා පහලින් පිහිටන සැහැල්ලු පස් වඩාත් සුදුසුය.
හොදින් හිරු එළිය අවශහ්‍ය වන අතර මි.මී. 1750 - 2000 පමණ වාර්ෂික වර්ෂාපතනයක් අවශ්‍ය වේ. ඵල හට ගැනීම උත්තේජනය කිරීමටත් ඵල හොඳින් මේරීමටත් වර්ෂය තුල මාස 1-2 නිශ්චිත වියළි කාලයක් සහ අඩු වායුගෝලීය තෙතමනයක් තිබීම අවශ්‍යවේ.

සරුසාර ජම්බෝල ශාකයක්

පෝෂණීය අගය සහ ප්‍රයෝජන

ප්‍රභේදය, දේශගුණය, ග්‍රාහක වර්ගය හා වගා පාලන ක්‍රම අනුව මදයේ සංයුතිය වෙනස් වේ. මෙහි අඩු මේද ප්‍රමාණයක් අන්තර් ගතවීම හා ඛණිජ හා විටමින් සී බහුලවීම වැනි හේතු නිසා එය ජනප්‍රිය පලතුරකි.

ජම්බෝල ප්‍රධාන වශයෙන් ආහාරයට ගන්නේ අලුත් පලතුරක් වශයෙනි. එහෙත් රසවත් පානයක් ලෙස කෝඩියල් වශයෙනුත් වෙනත් පලතුරු යුෂ සමඟ මිශ්‍රකර බීම සාදා ගැනීමටත් මාමලේඩි වැනි ආහාර සකසා ගැනීමටත් නොයෙක් සුවඳ කාරක වර්ග නිපදවීමටත් එය යොදා ගත හැක. කැස්ස, ඇදුම, අපස්මාරය, ලාදුරු වැනි රෝග සුව කිරීමට ජම්බෝල යොදා ගන්නා බවට ද වාර්තා වී ඇත.

පෝෂණිය ගුණයෙන් පිරි ජම්බෝල

පෝෂණිය ගුණයෙන් පිරි ජම්බෝල

ආර්ථික වාසි

කැල්සියම්, පොස්පරස් වැනි ඛිජ වලින් හා විටමින් සී හා බී වලින් පොහොසත් ජම්බෝල අළුත් පලතුරක් ලෙස පරිභෝජනයෙන් අඩු මුදලකට උසස් පෝෂණයක් ලබාගත හැක.

මෙයට අමතරව ජෑම්, කොඩියල්, සිරප් වැනි ආහාර හා බීම වර්ග මෙන්ම ගෙඩියේ පොත්තෙන් පෙක්ටීන් හා වාෂ්පශීලී තෙල් වර්ගත් නිෂ්පාදනය කළ හැක.

මේ නිසා ජම්බෝල වගාව දියුණු කිරීමෙන් කෘෂිකාර්මික හා කාර්මික අංශයේ රැකියා සුලභ කිරීමත් ජනතාවට උසස් පෝෂණයක් ලබාදිමත් කළ හැකි වේ.